السلام عليكم و رحمه الله و بركاته
و كل سنه و انتو طيبين بمناسبه عيد الفطر المبارك
يعنى لو لاحظتوا يعنى -للى متابع يعنى- ان ده اول تدوينه بالعربى هنا, و انا كاتبها بالعربى عشان كذا سبب يعنى.... عشان بيبقى محسوس اكتر و عشان كمان مايفهموش غير اللى بيتكلمو عربى
نخش فى الموضوع
انا فاكر زمااان اوى اول مره رحت اصلى العيد مع ابويا..... مكانتش الامكن بتاعا الصلاه كتير طبعا زى دلوأتى ف كنا بنصلى فى حته كده يعنى ممكن نقول على بعد نص كيلو من البيت , انا مش فاكر غير انى ساعتها كنت مبسوط اوى وانا سامع التكبيرات من البيت و كأنها جايه من السما
و ماظنش كانو بيستخدو الميكروفونات ساعتها
كان احساس جميل اوى كده و الناس كلها مع بعض فى نفس واحد بيقولو نفس الكلمه, كان صوتها عالى قوى
نيجى دلوأتى بقى...........الاماكن كتييير اوى للصلاه و محطوط سماعه من النوع التقيل كل 10 متر ولا حاجه و تلاقى اتنين ماسكين الميكروفون و كل واحد يبدع حبه
و تقريبا مفيش غيرهم اللى بيكبرو