بالعربى

السلام عليكم و رحمه الله و بركاته

و كل سنه و انتو طيبين بمناسبه عيد الفطر المبارك

يعنى لو لاحظتوا يعنى -للى متابع يعنى- ان ده اول تدوينه بالعربى هنا, و انا كاتبها بالعربى عشان كذا سبب يعنى.... عشان بيبقى محسوس اكتر و عشان كمان مايفهموش غير اللى بيتكلمو عربى

نخش فى الموضوع

انا فاكر زمااان اوى اول مره رحت اصلى العيد مع ابويا..... مكانتش الامكن بتاعا الصلاه كتير طبعا زى دلوأتى ف كنا بنصلى فى حته كده يعنى ممكن نقول على بعد نص كيلو من البيت , انا مش فاكر غير انى ساعتها كنت مبسوط اوى وانا سامع التكبيرات من البيت و كأنها جايه من السما

و ماظنش كانو بيستخدو الميكروفونات ساعتها

كان احساس جميل اوى كده و الناس كلها مع بعض فى نفس واحد بيقولو نفس الكلمه, كان صوتها عالى قوى

نيجى دلوأتى بقى...........الاماكن كتييير اوى للصلاه و محطوط سماعه من النوع التقيل كل 10 متر ولا حاجه و تلاقى اتنين ماسكين الميكروفون و كل واحد يبدع حبه

و تقريبا مفيش غيرهم اللى بيكبرو

انا بقى عايز استرجع ذكريات الطفوله و نفسى اسمع الصوت بتاع ال سما  ده

اعمل ايه بأاااا رحت جامع عندنا ف اسكندريه اللى اعرفه عنه انو بيصلى فيه ناس اعدادها بالميت الف و المليون, يعنى رقم و جمبه خمس اصفار ف وش العدو

نبص بأا هناك, هوا تقريبا الناس حالفه ما يعملو حاجه مع بعض ابدا تانى

الناس بيبقو متقسمين تلاتين نوع.... حبه كل واحد بيتكلم مع اللى جنبه و حبه بيتفرجو على موبايلاتهم و حبه خدتهم روح الفوتوغرافيا -او فرحانين بموبايلاتهم اللى بكامارتين- و واقفين يصورا باقى الناس و حبه مركزين مع الشباب اللى بتوزع هدايا للاطفال عشان يقوللو هات اتنين للواد و اخته اللى نايمه فى البيت و حبه باصين فى الارض و مابيعملوش اى حاجه "خالص" و الباقى تقريبا بيبقى مطبق ف بيكبر و هوه نايم

:D اه كمان كان فى واحد جنبى ماسك علم السعوديه و لابس لبس غريب كده زى الناس بتاعت الزار و الكلام ده هوه تقريبا شافنا متوحديين اوى فا حب يدورلنا على حاجه تفرقنا

انا كل اللى غايظنى ان الناس كلها تحس انها مكسوفه تكبر

يعنى تقدر تقول كده لو جبت صوت كل اللى كانو هناك و حطيته ف حله مش هايجيب صوت عشره بيشجعو مصر فى الدورى العام

نفسى اعرف امتى هانعمل حاجه مع بعض, حاجه واحده

يعنى انا شفت قبل كده الناس و هيه بتحاول تتحد ف رأى, و هوه كان عشان النتيجه اللى على التليفون بتاعت جامعه عين شمس

طبعا مش هاقولوا النجاح الساحق اللى عملناه ف اننا حاولنا نقبى خمسه ميتصلوش, كل الناس كانت بتشتغل نفسها و تجيب اسباب غريبه و تتصل و تقول مش هاتفرق الكام جنيه دول ف داهيه الفلوس بس اعرف النتيجه النهارده عشان لازم اعرفها النهارده عشان مينفعش استنى لبكره عشان هوه كده

وطبعا البنات احاسيسها مبتستحملش و لو معرفتش النتيجه -اللى هتغير مصير الكون- النهارده هايحصل اى حاجه بتعمل اى حاجه

بس اهم حاجه مانعملش حاجه مع بعض

مع ان دى حاجه قويه جدا مع الناس و متهيألى بانت قوى لما حاولو يخلو الانترنت فى مصر محدود و معظم الناس كانت "فعلا" هاتقاطع و القرار ده اتلغى

نرجع ل موضوعنا..... ليه بأا الناس مش بتفتح بقها يعنى لو قلنا ان فى الحاجات اللى فاتت دى هاتضحى شويه عشان نكون مع بعض ف حاجه, هنا بقى هتاخد ثواب ف كل كلمه بتقولها و فى الاخر هانحس اننا اقويا و الناس هاتعملنا حساب حتى لو كنا صوت بس, اما كدا احنا لا صوت ولا صوره

ف ايه بأا.....هاه ؟ ......ايه ؟

يعنى احنا المفروض كنا قاعدين فى شارع واسع و فجأه كده و احنا قاعدين....اسف و احنا نايمين  "يا كريييييييييييييييييييييم"....... ﻷ ..ده مش الراجل بتاع السعوديه بيدروش

ده طفل ممكن نقول كده عنده 15 سنه و اكيد كان بينادى على واحد اسمه كريم الناحيه التانيه يعنى

المهم.... كريم رد....عرفت منين ؟.......عشان الواد ماناداش تانى

طيب و ايه المشكله

ﻷ... نحسبها

ناخد مقطع من الشارع من الرصيف للرصيف ب عرض 3 بنى ادم و ب طول 15 بنى ادم - مع انها اكبر من كده- و نشوف

نفترض ان الواد فطر امبارح ممبار و اتعشى كوارع و فطر فول و بكامل صحته و لما نادى راح مطلع 80 ديسيبل و الصوت ده وصل !!! يعنى الشريحه اللى فى النص دى مقدرتش تعمل صوت ب 60 ديسيبل حتى

Constructive Interference و المفترض ان الناس دى كلها بيقولو نفس الكلمه و بادئين مع بعض يعنى هيحصل

و الموجات تتجمع على بعضها

يعنى كده كل واحد من الناس اللى فى الشريحه ده الموضوع واقف عليه الموضوع 1.5 ديسيبل  بعد الخصم

طبعا ده مش صح بس نفترض

هوه اساسا  الكلام العادى 70 ديسيبل ....  يعنى لو كل واحد من ال45 بنى ادم دول كان بيتكلم بس, مش كان الكلام موصلش ل كريم, كان زمان كريم اتخرم اساسا

ف ياريت الواحد و هوه رايح يصلى العيد كده يعمل حسابه ف اتنين تلاته ديسيبل زياده بس

و الديسيبلات كتير والله.... يعنى فى مطشات الكوره بتلاقى دسابل بتتحدف عليك من كل حته, ده غير الكراسى و الكبايات و المعالق و كده - بتختلف من اهلاوى ل زملكاوى -  ف ياريت بعد كده نكبر "كلنا" مع بعض

اكيد فيه فرق كبير بين صوت التكبير هنا

و هنا

طبعا انا مليش دعوه بالناس اللى فى الفيديوالاول ده, بس هوه ده الصوت اللى بقى ف كل الجوامع

و بالنسبه للفيديو التانى هوه الصوت نفسه واطى بس تحس ان التكبير بيهز السما

احلى حاجه فى الموضوع ان بعد الصلاه و الخطبه ما خلصوا لقيت واحد كده فجأه بيقول بصوت من اللى انا مفتقده ده (خيبر خيبر يا يهود , جيش "مبارك" سوف يعود) ....على اساس انو خرج ابل كده

:D هوه شكله كان عايز يعمل مظاهره بس خايف يتقبض عليه

هوه شكله مش فاهم اننا مش هانتحد الا لو قالو هانحدد الانترنت

!!!!!!!و اهو العيد فرحه

يا ريت بس لو حد عايز يتناقش يبقى على المدونه نفسها عشان يبقى الكلام كله فى حته واحد

ربنا يكرمكو يابنى و فكرنى العيد الجاى اكلم الراجل ده ييجى :D يصلى عندنا او هاضطر انا اجى عندكو
السلام عليكم أول حاجة مبروك انك بدأت تكتب عربى ثانى حاجة عندى بس تعليق صغير, بالنسبة لموضوع مقاطعة النتيجة احنا دفعتنا عملت حملة لمقاطعة النتيجة من على التليفون ونجحت جدا وناس كتير أوى شاركوا فيها وتفاعلوا معاها. وكمان دلوقتى فى دفعتنا عملوا استبيان بيقولوا فيه كل المشاكل اللى واجهتنا فى السنتين اللى فاتت علشان هما عايزين يشاركوا فى حل المشاكل دى وهيقدموها للجودة http://5olio-speak.blogspot.com/2009/09/2.html وده لينك الاستبيان http://spreadsheets.google.com/viewform?formkey=dGJpSV9RcHViOXVWUDZJUHk2SWxuMVE6MA.. ولحد دلوقتى شارك فيه 50 واحد ولسه العدد بيزيد. أما بالنسبة بقى للتكبير وعلم السعودية والواد كريم, هو أنا أعتقد أن الناس عايزة تفوق شوية. النهاردة اللى كان ماسك الميكروفون فى المسجد اللى كنت بصلى فيه, قال للناس, احنا دلوقتى هنكبر من غير مايك, وخلى الناس يكبروا من غير مايك وكان صوتهم عامل زى الصوت بتاع السما اللى انته بتقول عليه :D:D:D.
yala ya 3abdo el 7koma mn3t el takber fl share3 bsoot 3aly flnas btro7 el game3 mn 3'er ama tkbr wy3do henak b2a hykbro leeh ma fe wa7id soto 3aly kolo y3od ytmtm m3 nfso kda :D wenta fahem en el shabab en7l elyomen dol wb2a m2deha fa bytswr bmonasbt el 3id 3shan y7ot el sewar 3ala el facebook :D
!!!!مين دى اللى منعت التكبير فى الشارع :D facebookو تلاقيك انت كمان بتعمل كده و قارفنا بشعرك ده عل
مفتقد أنا تدونات بالعربى من الناس اللى فى كليتنا يا رب دايما :D
gameel gedan ya 3abdalla el kalam dh we fe3lan zay manta bet2ol el kalam kan byb2a akenoh gai mn elsama we konna ben7es en fyh 7ad ye2dar ye2ol 7aga la2en sotoh 3aly fil7a2. laken delwa2ty el mic 3ala soty zay mana 3ayz tab a3aly ana soty benafsy leh wate3eb nafsy, we ba3dain ana kman sa3at ba7es en fyh nas betet5ene2 mn el tekrar webyzha2o la2enohom gayen ye2adoh wageb we 5alas "وجدنا ابائنا كذلك يفعلون" e7na fe3lan me7tagen neb2a m3a ba3d fy 7aga we7na ne2dar weldaleel elly enta 2oltoh 3ala mawdo3 el el internet elma7dood bs el moshkela hya eh elly ye5aly elnas tetefe2 3ala 7aga wa7da lazem yekon mn ehtemamathom laken mawdo3 deny 2o m3a ba3d fy mowaghet mashakel we 7agat 3'alat abdan matal2esh we belnesa ly kalam 5olio el estebyan elly enta 2olt 3alyh dh gameel we nas keter hatekteb laken 3ayzak tegawebny law mafesh 7aga eta3amalet mn el 7agat elly aktr el nas kataboha masln hal el nas elly katabek dyh hatekalem we te2ol 7aga b3d kda ana msh hagaweb gawebny enta ok. we bgd shokran ya 3abdalla 3almawdo3 el gameel dh :)
كلام جميل يا حج عبدالله بس ما تعممش الحكاية دى ,ليه بقى؟ لأن انا كنت سامع التكبير من عندى فى البيت والجامع مش قريب أوى وكمان انا ساكن فى دور عالى زى ما انت عارف ,,دليل على ان الصوت قوى,,ولما نزلت لصلاة العيد صوت التكبير كان عالى وكأنه زى ما بتقول جاى من السما,,فا الكلام اللى بتقول طبعا موجود بس مش فى كل الجوامع او بمعنى اصح مش كل الناس مابتشاركش فى التكبير. وممكن يكون الموضوع ده موجود عندك بس,او فى اسكندريه بس :D :D المرة الجايه يبقى تعالى صلى معايا بقى ;)
الله عليك يا شيخ بنى المره الجايه هاجى اصلى معاك Virgin بس فى سيتى ستارز و قدام :D
@ شادى : أولا أحب أقولك ان احنا دفعتنا دفعة ايجابية جدا. الاستبيان ده أو الشكوى الجماعية دى, أحنا عملناها وعارفين ان دى خطوة أكيد ان شاء الله هتفيد فى أصلاح الكلية. واحنا مش مستنين اننا نشوف نتيجة بعنينا, احنا كل واحد قبل ما يملى الاستبيان ده خد نية علشان يؤجر على عمله وبالتالى ان شاء الله كل الناس خدت الثواب. أصحاب الكهف ربنا أماتهم 309 سنة وأحياهم ثانى علشان يوريهم نتيجة عملهم البسيط, المدينة كلها آمنت, وعلشان يعلمنا اننا لازم نبقى على يقين أن أى عمل احنا هنعمله لله, أكيد هيجنى ثماره ومش لازم احنا نشوف الثمار دى, هيجى ناس من بعدنا يستفيدوا من ثمار عملنا, وناخد احنا ثواب عليهم. واجابة على سؤالك انا اتوقع ان ان شاء الله الناس هتفضل فى الايجابية اللى هما فيها.
ya m3lm zy ma b2olak kda 3mrk shoft el nas mashya btkbr fl share3 zy zaman el 7koma t3okshna 3ala tool wb3den sh3ry ra7 5alas Allah y7r2 om el gesh wl7la2a el mery el zeft de sh3ry msh bytl3 :S
Very nice post Abdallah.. & very nice topic actually.. the only things that unites us is football matches.. el wa7ed msh 3aref el 3eeb feen 7ata !?
على ما اظن ان العيب فى ان الناس مش فاهمه هيه بتعمل ايه ليه و مبتحاولش تفهم حتى او تطلع فوايد يعنى البنى ادم ده و هوه صغير كان بيكبر عشان شاف ابوه بيكبر مش عشان التكبير سنه ف لما كبر استعيل التكبير و طبعا الموضوع ده مش فى الصلاه بس, ده فى كل نواحى الدنيا و خير مثال على كده هوه التعليم الناس بتذاكر عشان الامتحان مش عشان المعرفه المدرس بيدرس "ازاى تحل الامتحان" مش العلم للعلم الناس بتخش كليات القمه عشان اسمها القمه و لو مدخلتهاش تبقى غلط عشان "يا خساره الدرجات الزياده" او "الناس هاتضحك عليك" مش عشان "مجال العلم فيها اوسع حتى"و غير كده كتييييير ف من الاخر بيبقى هوه شايف ان التكبير ده مجرد كلام بيتقال كده لحد الصلاه و خلاص و الناس بتقول ف مش فارقه يقول هوه ولا ﻷ
ممكن الناس اللي بيبتدوا في المسجد عشان الناس تتجمع، يطلعوا بره المسجد ويكبروا من غير مايك، ويكتروا عددهم (ما شاء الله يجيبوا كام واحد من المواظبين عالصف الأول) والناس هتيجي تمشي على نهجهم. من باب إن الإمام يؤتم به فعلا. وممكن نوصلّهم الفكرة دي ليلة العيد أو اللي قبليها ... والدال على الخير كفاعله بس ده مش معناه إن اللي بيحصل دلوقتي من الناس صح Amazing post ;) Rabbena yekremak